Leruneko zubia

Hurrengo egunetan, Elgoibarko Udalak ez labaintzeko tratamenduak emango ditu udalerriko zenbait puntutan. Horien artean, Leruneko zubiaren zoladuran. Guztira 194metro karratutan esku hartuko da eta Udalak 7.044 euro bideratuko ditu lanetara. Helburua erorketak saihestea da eta puntu guztiak irisgarriak izatea.  Tratamendua emateko hiru egun behar dira, beraz, datorren asteartetik ostegunera (urriak 9, 10 eta 11) zubia itxita egongo da lanengatik. 
 
Bestalde, anbulategiaren parean dagoen igogailuaren pasabidean ere, antzeko tratamendu bat aplikatuko da. Kasu honetan, lanak datorren ostiralean hasiko dira, urriak 12, eta egun osoan zehar, bai pasabidea, bai igogailua itxita egongo dira. Lan hauek ez dute kostu ekonomikorik suposatuko Udalari, berme barruan daudelako.
HAURTXOKOAren gonbidapena

Datorren urriaren 9an eta 10ean, ate irekien jardunaldiak ospatuko dituzte Elgoibarko Ludotekan eta Gaztelekuan, hurrenez hurrren. Saio hauen helburua, bertan eskaintzen diren zerbitzuak azaltzea da.  Zehazki, Gipuzkoako Haurtxoko eta Gaztelekuen sarearen eta Elgoibarko Ludoteka eta Gaztelekuaren berri emango da: lokalak eta azpiegiturak, izena emateko argibideak, eskaintza, helburuak, printzipioak, lan metodologia, hezitzaile taldea, udal ordezkaritza, etab.

Ateak zabaltzeko jardunaldiak guraso, tutore, hezitzaile eta orokorrean interesa duten herritar guztiei daude zuzenduta, eta, esan bezala, Ludotekako hitzordua urriaren 9an izango da, asteartea, arratsaldeko 18:00etan, eta Gaztelekukoa, urriaren 10ean, asteazkena, arratsaldeko 19:00etan.

Informazio gehiagorako: 943 741 050 / Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. 

Erakusketa iragartzeko kartela
“Edukitzaileak, edukiak eta beste kontu batzuk” titulupean, Mertxe Sueskun eskultore nafarrak bihar inauguratuko du, arratsaldeko 18:30etan Kultur Etxean, bere azken lanak jasotzen dituen erakusketa berria. 
 
Erakusketak, objektuak beste ikuspuntu edo angelu desberdin batetik ikustera gonbidatzen gaitu. Objektuak testuingurutik atera eta elkarketa eta esanahi desberdinak bilatzen ditu, objektuei zentzu desberdinak emanez. 
 
Mertxe Sueskun artista iruñearrak, harri eta egurrezko eskultura ikasketak egin zituen Deban eta Donostiako Artelekun. Obra erakusketa desberdinetarako hautatua izan da, Gipuzkoako artista nobelen erakusketarako adibidez, Gasteiz, Almeria eta Szombathelyko (Hungria) bienaletarako ere bai eta Loodseko (Polonia) trienalerako. 1996.urtean Iruñeako Eskultore Nafarren erakusketan hartu zuen parte eta hiru urte geroago, Eskulturako II. Nafarroa Saria eskuratu zuen. 
 
Elgoibarko erakusketa, Udaleko kultura sailetik antolatu da eta urriaren 20ra arte egongo da ikusgai Kultur Etxeko erakusketa gelan, astelehenetik larunbatera, 18:30etik 20:30era.

europeantown

  • ACES-Europeko ordezkariek positiboki baloratu dute Elgoibarko hautagaitza. Garaikurra lortzeko eskatzen diren irizpide guztiak betetzen dituela adierazi dute eta herriko kirol-planifikazioa goraipatu dute.
  • Azaroaren erdian emango da ezagutzera erabakia. Sari-banaketako gala, abenduaren hasieran ospatuko da Bruselan, Europar Parlamentuaren egoitzan.

ACES-Europe, Europako kirol hiriak izendatzen dituen erakundeko ordezkariak egun hauetan Elgoibar bisitatu dute, udalerria “2019ko Europako Kirol Hiri” izendatzeko hautagaitza ebaluatzeko.

Atzo, ebaluazio batzordea herriko kirol instalazio eta azpiegiturak ikusten aritu zen, Elgoibarrek “Europako Kirol Hiri” izateko beharrezkoak diren baldintzak betetzen dituen edo ez frogatzeko. Era berean, gaur goizean, Gorka Garaizabal Kirol zinegotziak, gobernu taldeko beste kide batzuekin batera, Elgoibarko hautagaitza defendatu dute Elgoibar “2019ko Europako Kirol Hiri” izateko arrazoi nagusienak zeintzuk diren argudiatuz.

Ane Beitia Elgoibarko alkatearen esanetan, “zalantza gabe, izendapen hau sari handi bat izango litzateke guretzat, urte askotan zehar, bai Udalak, bai herriko kirol-talde eta elkarteek egindako esfortzu eta lana aitortzen duen saria izango litzateke. Guztion artean Elgoibar udalerri erreferente ari gara bihurtzen kirolari dagokionez”.

Bestalde, ACES-Europeko delegazioa osatzen duten hiru ordezkariek, Lukas Vorel, Javier Rodrigo eta Jose Manuel Lambeak, hautagaitzaren balorazio baikorra egin dute. Rodrigoren esanetan, “Elgoibarrek, erakundeak eskatzen dituen irizpide guztiak betetzen ditu eta kirol planifikazio egitarua dauka, maila guztietan, eskola kirolean, udal jardueretan.... hala ere, beste lau hautagai daude aztertu behar direnak, Jaca, Torrijoz, Vejer de la Frontera eta Cangas del Narcea, baina sentsazioak oso positiboak izan dira Elgoibarren”.

 

Elgoibarko Udalak bere gaitzespen irmoena azaldu nahi du Bilbon gertatutako emakume baten hilketaren aurrean, eta doluminak eta elkartasuna adierazi nahi dizkie biktimaren senideei eta hurbilekoei. Bai Udalak, bai Elgoibarko Emakumeen Kontseiluak, gaur asteazkena, irailak 26, arratsaldeko 19:30ean, Kalegoen plazan egingo den elkarretaratzean parte hartzeko deia egiten dugu

deialdiaren kartela

Skatepark infografia 1
Skatepark infografia

 

  • Udalak, guztira 48.200 euro bideratuko ditu lanetara. Azarorako bukatuta egotea aurreikusten da.
  • ZUT Skatepark enpresa arduratuko da parkea eraikitzeaz. Hormigoizkoa izango da eta 280 m2 izango ditu.

Azarorako Elgoibarrek skatepark berria izango du. Bihar hasiko dira Basarteko berdegunean kokatuko den skateparkeko obrak. Asteartean bertan, zulaketa lanei ekingo zaie eta obrek, gutxi gorabehera, hilabete eta erdiko iraupena izango dute. Elgoibarko Udalak, guztira 48.200 euro bideratuko ditu lanak gauzatzeko.

Sektorean eskarmentua duen Sopelako ZUT Skateparks enpresa izan da instalazio berria diseinatu duena eta eraikitze lanetaz ere beraiek arduratuko dira. Enpresa txikia izan arren, esperientzia handikoa da, Donostiako Pagolako Skateparka adibidez, beraiek diseinatutakoa da. Frantzia, Portugal eta Estatuan zehar 60 skate pista baino gehiago egin dituzte.

Ane Beitia alkatearen esanetan, “herriko gazteen eskariei erantzun bat emateaz gain, gobernu taldeak zehaztutako helburu konkretu bat ere betetzen dugu, gazteen artean, kirol aisiarako aukerak sustatzea, kalitatezko instalazioak eskainiz”.

Hormigoizko skateparka izango da, erabilera eta denborari dagokionez iraunkorra. Dibertigarria izateaz gain, erraz ikastea sustatzen duena. Azalerak 280 m2 inguru izango ditu, bowl edo bainera bat izango du, 1,10 eta 1,30 metro bitarteko sakontasunarekin. Baineratik kanpo bestelako elementu batzuk ere ezarriko dira, ibilbide eta jausi desberdinak egiteko.

Gogoratu beharra dago, Udalak abuztuan kendu zuela Urazandiko egoera txarrean zegoen U-a. Alde batetik, egoera kaskarrean aurkitzen zelako eta bestetik, Urazandiko aparkaleku dotazioa handitzeko asmoa dagoelako. Hala, erabaki honekin, pistako erabiltzaile eta aparkalekuen arteko segurtasun arazoak ere ezabatu dira.

ziardamendikoomenaldia

Beste urte batez, senide, instituzio, elkarte, kultur erakunde eta alderdi politikoetako zenbait ordezkarik, 1936ko irailean eta urrian Elgoibarko Zirardamendi-Aiastia (San Miguel) fronte-lerroan hildako gudariak gogoratu dituzte. Omenaldia atzo ospatu zen, goizeko 10:00etan ekin zitzaion ekitaldiari, Aiastian. Gernikako arbolaren kimuei bisita egin eta loresorta bat utzi ostean, Zirardamendirantz jo zuten. Bidean, gudariak deshobiratutako tokian banakako lorak utzi eta Zirardamendiko gurutzetxoan beste loresorta bat eskaini ostean, Eusko Gudariak abestuz eman zioten amaiera omenaldiari. 

 Segurtasun arrazoiengatik, Errosario kalea moztuta egongo da astelehenera arte, etxebizitza baten izandako sutea dela eta.

sutea

euskaraldia

Euskaraldia ariketa sozialaren enbaxadore izango diren hamaika lagunak aurkeztu zituen atzo Elgoibarko Euskaraldia Taldeak Kalebarren plazan egin zen ekitaldi publikoan. Sei emakumek eta bost gizonek osatzen dute hamaikakoa eta bakoitzak rol bat beteko du azaroaren 23tik abenduaren 3ra, Euskaraldiak iraungo duen 11 egunetan.

Honako lagun hauek osatzen dute hamaikako hori:

  1. Irene Makazaga (18 urte, ikaslea)
  2. Asier Rodriguez (21 urte, ikaslea)
  3. Maialen Salaberria (27 urte, irakaslea)
  4. Mayi Mujika (30 urte, hezitzailea)
  5. Ander Mujika (33 urte, musikaria)
  6. Mateo Cantu (50 urte, ingeniaria)
  7. Nagore Irureta (44 urte, proiektu kudeatzailea)
  8. Manu Rey (52 urte, ostalaria)
  9. Joxean Gomez(52 urte, Elgoibarko Udaleko teknikaria)
  10. Rosa Salegi (58 urte, gaztagilea)
  11. Maite Unzueta (66 urte, jubilatua)

Ekitaldian, Euskaraldian zergatik parte hartuko duten azaldu zuten hamaika lagun horiek banan-banan, eta rol bat edo beste aukeratu izanaren arrazoiak ere zerrendatu zituzten.  Ondoren, talde-argazkia atera zuten Euskaraldia babestu eta sustatuko duten 35 talde eta erakundeetako ordezkariekin batera.

IZEN-EMATEA

San Frantzisko kaleko 11. zenbakian zabaldu du Elgoibarko Euskaraldia Taldeak lokala, lehen Muebles Anton zegoen lokal berean. Dagoeneko, bertan izena ere eman ahal izango da bertan. Honako ordutegi hau izango du lokalak: iraila eta urrian, astelehenetik ostiralera, 18:00etatik 20:00etara, eta azaroan, larunbatetan ere, 11:00etatik 13:00etara. Hala ere, beste bide batzuk ere badaude izena emateko, emailez Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko., telefonoz 943741626 edo whatsapp bidez 643499169.

coachingkartela

Elgoibarko Udalak, Berdintasun Sailaren bitartez, udalerriko Emakumeen Jabekuntzarako Coaching Tailerra jarri du abian. Ekintza doakoa izango da, eta Kultur Etxeko Sotoan egingo da.

Gogorarazten dizuegu, tailerra Eider Pérez coachak zuzenduko du, eta besteak beste, norbere buruaren ezagutza sustatzea eta emozioak kudeatzeko eta erabakiak hartzeko baliabide pertsonalak erabiliz ahalduntzea da helburua.

Izen ematea egiteko HAZera (Herritarren Arreta Zerbitzua) gerturatu beharko da, irailaren 27ra arte. Plazak mugatuak izango dira, eta aurretik Jabetze Eskolako beste antzerako ikastarorik egin ez dutenek izango dute lehentasuna.

Izen ematea: HAZen (herritarren arreta bulegoa) / 943 741050 / Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko..

ahizpatasunaren kartela

Irailean, “Ahizpatasuna gure armarik onena” izango da hausnarketa taldean landuko den gaia. Elgoibarko Udalaren Berdintasun Sailak antolatutako tailerra izango da, Jabetza Eskola programaren barruan eskainiko den ekintzetako bat.

Irailaren 24an, astelehenean, 18:30ean, Kultur Etxeko hitzaldi gelan izango da tailerra, eta emakumeen ahalduntzearen munduan, urte askotako esperientzia duen Loredi Salegi elgoibartarra izango da hizlaria. Bertan parte hartzeko ez da izenik eman behar: gazteleraz eskainiko da, eta doakoa izango da. Hori dela eta, herriko emakume guztiei egin nahi zaie bertan parte hartzeko gonbitea.

Ahizpatasuna (gaztelaniaz, sororidad; latinezko soror hitzetik, euskaraz "ahizpa") 1970eko hamarkadatik feminismoaren baitan emakumeen aldeko elkartasun-teoriak eta praktikak izendatzeko erabili izan den terminoa da. Zehatzago, emakumeen arteko hitzarmena litzateke, helburutzat emakumeen jabekuntza duena, patriarkatuari aurre egiteko. Kate Millett estatubatuar feministak sortu zuen, emakumeen arteko ezberdintasun ekonomiko, arrazazko eta politikoak gainditu eta emakume guztiak gizarte-klasetzat hartzeko asmoarekin.