Aizkorri eta Urazandi arteko bidea
Aizkorri eta Urazandi arteko bidea
  • Elgoibarko Udalak 37.486 euroko inbertsioa egingo du (BEZa barne), bi hilabetez luzatuko diren hobekuntza lanei ekiteko.
  • Irisgarritasuna hobetuko da, maldak murriztuko dira, segurtasuneko baranda jarriko da eta lurzorua zolatuko da, besteak beste.

Euskal Trenbide Sareak Elgoibarko Udalari jakinarazi dion moduan, datorren astean, Karakateko tunelaren irteeran (Elgoibartik Eibarrera noranzkoan), erortzen diren harriak gelditzeko txapel edo tunel faltsu bat egiteko obrak hasiko dituzte. Hori dela eta, bidegorriaren azken zatia itxiko da, eta puntu horretara arte zabalik egongo da, lanak segurtasunez egin ahal izateko. Obrak 3-4 hilabete arteko iraupena izango du. Hala ere, lanak gehienbat gauez egingo direla adierazi dute.
Minxetako solairum-a  txinoekin guneak markatzeko
Minxetako solairum-a  txinoekin guneak markatzeko
    • Elgoibarko Udalak eta Udal Kirol Patronatuak kirol instalazioak Berrirekitzeko Plana prestatu dute, erabiltzaileen segurtasuna eta higienea bermatzeko eta Covid-19 zabaltzea saihesteko. Hainbat neurri hartu dira kirol eremu bakoitzaren eta haren eremu komunen sarrera, edukiera, iraunkortasuna, erabilera eta higiene baldintzak eta desinfekzioa kontrolatzeko.
    • Mintxetako kirol instalazioak ekainaren 8an irekiko dira, deseskaladako 3. fasearen hasieran. Mintxetako kanpoko igerilekuak ekainaren 15ean irekiko dira, edukiera 3.000 lagunetik 1.000ra jaitsiz.
    • Igerileku estalietan pertsonen segurtasun eta higiene baldintzak bermatzeko zailtasuna dela eta, Olaizaga Kiroldegia itxita egongo da irailera arte. Jardueraren zati bat (muskulazio gela eta ikastaroak) Mintxetara eramango da. Itxiera honen bidez instalazio bakar batean zentralizatu nahi dira erabiltzaileen eta abonatuen segurtasuna eta higienea bermatzeko ahalegin guztiak.
    • Ekaineko Ikastaroak  (PDF)

gertukartela

Azkeen asteetan, deskonfinamendu neurriak malgutzen joan direnez, Udalak zerbitzuaren arreta-ordutegian aldaketak egitea erabaki du ekainerako. Hurrengo hauek dira erabilgai egongo diren telefonoak eta ordutegiak:

- Astelehenetik ostiralera, 7:00etatik 15:00etara: 943 74 10 50 (Gizarte Zerbitzuak)
- Astelehentik ostiralera, 16:00etatik 21:00etara: 688 804 672
- Asteburuetan, 10:00etatik 19:00etara: 688 804 672
- Gizarte Larrialdietako Foru Zerbitzua, 7:00etatik 21:00era: 943 22 44 11
- 24 orduz: 112

kultura bizi-bizixaren logotipoa

  • Ohiko hitzorduak bertan behera geratu dira baina udalaren webgunean aurreko edizioetako hainbat eduki bilduko dira: argazkiak, bideoak, artisauen webguneak eta produktuak erosteko aukera ere izango da.
  • Trinitate Egunean, ekainak 7, Udal Txistulari Taldearen Diana izango da goizeko 9:00etan, 10:30etan umeen danborrada balkoi eta leihoetatik (Danborra egiteko tutoriala ) eta 11:30etan meza ospatuko da San Bartolome parrokian.
  • Ekainean, Kultur Etxeko sotoa eta hitzaldi gela erabilgai egongo dira baina segurtasun irizpide batzuk jarraitu beharko dira.
  • Gotzon Garate Udal Liburutegiak ere ekainaren 1ean zabalduko ditu ateak, baina liburuak itzultzeko edo maileguan hartzeko bakarrik.
  • Egitaraua (PDF)

BonoakUdala

 

Bonoak erosteko batutako jendetza dela eta, bihar goizean, gaur arratsaldean banatu diren 120ra arteko zenbakiak dituzten bizilagunak bertaratu ahal izango dira bakarrik. Zenbakia dutenak jarri ahalko dira ilaran soilik.

Arratsaldean bestalde, 120.zenbakitik gora dituztenen txanda izango da.

Gaur goizean 735 bono banatu dira eta arratsaldean 501. Oraindik bono asko geratzen dira saltzeko, beraz hurrengo egunetan ere eskuratzeko aukera izango da.

 

 

Elgoibarko izarreko eta udaleko ardunadunak hitzarmena sinatzen

Alarma egoerak eragindako etenaldiaren ondoren, berriro ere ekin dio Udalak herriko entitateak diruz laguntzeko hitzarmenak sinatzeari. Gaurko egunean bi sinatze ekitaldi egon dira, eta lehenengoa izan da Elgoibarko Izarrari egokitu zaiona.

Ane Beitiak, Elgoibarko alkateak eta Iñaki Kondek, Elgoibarko Izarra Euskaltzaleon Topagunea elkarteko presidenteak, bi erakundeen arteko 2020ko lankidetza hitzarmena sinatu dute gaur, maiatzak 27, asteazkena, Udaletxean. Eurekin batera, Maialen Gurrutxaga, Euskara eta Haur, Nerabe eta Gazteen Sustapen arloetako zinegotzi arduraduna, eta Elgoibarko Izarrako eta Udaleko teknikariak ere izan dira.

Ane Beitiak, Elgoibarko alkateak adierazi duenez, “Udalak 184.000 euroko dirulaguntza emango dio aurten Elgoibarko Izarra elkarteari, betiere, 2020an zehar euskararen erabilera sustatzeko ekintzak eta haurrentzako aisia hezitzaileko egitasmoa finantzatzeko”.

Aurreko urteotan bezala, dirulaguntza hori bi udal sailetatik bideratuko da. Horrela, Udalaren Euskara sailetik 124.000 euro jasoko ditu Elgoibarko Izarrak eta Udalaren Haur, Nerabe eta Gazteen Sustapeneko sailetik, berriz, 60.000 euro.

Hitzarmena sinatu ondoren, euskara elkarteak eskerrak eman dizkio Udalari. Izan ere, Elgoibarko Izarraren ustez, “ezinbestekoa da administrazioaren eta herri ekimenaren arteko elkarlana, haurrentzako aisia hezitzaileko eskaintza osatu, eta euskara eta euskal kultura gure herrian sustatu nahi baditugu”.

Koronabirusaren pandemiak eragindako egoeran, hala ere, gerta daiteke hitzarmenean jasotako ekintza guztiak egin ezin izatea, eta horrek eragina izango luke, jakina, hitzarmenean jasotako diru-kopuruan ere.

ikastetxeetako  eta udaleko  arduradunek hitzarmena adostu eta gero

Urtero bezala, Hezkuntza eta “Bizitzarako prestakuntza euskaraz” programen baitan, Elgoibarko Udalak hitzarmen bateratua sinatu du gaur goizean herriko ikastetxeekin. Guztira 170.925,45 euroko dirulaguntza emango die Udalak 2019/2020 ikasturtean hainbat proiektu eta egitasmo finantzatzeko. Martxoan sinatzea aurreikusita zegoen, baina, Covid-19ren osasun-krisi orokorra dela eta, bi hilabete atzeratu behar izan da.

Hitzarmena honakoek sinatu dute, besteak beste: Ane Beitia Arriola, Elgoibarko Udaleko alkatea; Jabier Larrañaga Alberdi, Elgoibar Ikastolako zuzendaria; Raquel Aguirre Ormaechea, Herri Eskolako zuzendaria; Iñaki Odriozola Sustaeta, Arreiturre Institutuko zuzendaria; Alberto Iturricastillo Arana, MEKA Lanbide Eskolako zuzendaria, Ixaka Egurbide Lekube eta IMHko zuzendaria eta Imanol Basagutxibeaskoa Unzueta.

Dirulaguntza hori Udaleko Hezkuntza, Gizarte Ongizate, Euskara, Berdintasun, Sustapen Ekonomiko eta Enplegua eta Haur, Nerabe eta Gazteen Sustapenerako sailek bideratu dute, betiere, eskolekin adostutako hitzarmenak garatzeko eta sail hauen helburuekin bat datozen ekintzak abian jartzeko.

Laguntzen zenbatekoari dagokionez, hauexek datuak:

  • HERRI ESKOLA: 26.384,00 euro

  • INSTITUTUA: 8.717,80 euro

  • IKASTOLA: 57.084,55 euro

  • MEKA: 5.900,00 euro

  • IMH: 71.314,08 euro

Lanetan topatu duten amiantoa
Topatu duten amiantoa lanetan
  • Kantitate txikia antzeman den arren, maiatzaren 21ean eta 22an Udalak kendu egin zuen tratamendu espezializatu baten bidez.
  • Lanak egin dituzten langileen osasuna zaindu eta bermatu da uneo oro. Era berean, gertaerak ez du inolako arriskurik ekarri inguruan bizi diren edo ibili diren bizilagunen osasunerako.

Joan den martxoaren 17an, Olaizagako kiroldegiko igerileku estaliak handitzeko obretan, lanak egiten ari ziren enpresa esleipenduneko langileek fibrozementuaren hondakinak aurkitu zituzten lanean ari ziren kokalekuan, mikropiloteak jartzeko ezpondan hondeatzen ari ziren bitartean.

Mota honetako obretan amiantoa aurkitu den beste kasu guztietan egiten den bezala,, lan tekniko berezia egin behar da material hau ezabatzeko. Horrela, Elgoibarko Udalak, Amenabarren bitartez, lan plan bat egitea eskatu zion Amianto eta Kudeaketa, S.L.U. enpresa espezializatu eta baimendua. Enpresa honek lan-plana idatzi zuen eta bertan, 60 m3 lur eta 5 ml lurzoru-hodi kendu eta enkapsulatzeko beharra jasotzen zen. Lan-plan honi apirilaren 15ean eman zitzaion sarrera Eusko Jaurlaritzan.

Maiatzaren 6an, Amianto y Gestión, S.L.U.k egindako lan-plana onartu zuen Eusko Jaurlaritzak, eta maiatzaren 21ean eta 22an, materiala kentzeko lanak burutu ziren segurtasun-baldintza guztiak errespetatuz eta onartutako planaren prozedura jarraituz. Osalanek urrats guztien berri izan du hasieratik. Era berean, egindako analisien arabera, lurzoruak ez daude kutsatuta.

Amianto antitate oso txikia antzeman den arren, hura kentzeko tratamendu espezializatua behar izan dela adierazi du Udalak. Hala, lanak egin dituzten langileen osasuna une oro zaindu eta bermatu da. Halaber, Udalak azpimarratu du gertaera honek ez duela inolako arriskurik ekarri inguru horretan bizi diren edo ibili diren bizilagunen osasunerako.

 

 

Gaur egun bizi dugun osasun krisia kontutan izanik, Elgoibarko Udal Kirol Patronatuak aurtengo Udako Kirol Kanpusa bertan behera uztea erabaki du. COVID-19aren hedapena eragozteko helburuarekin, osasun arloko agintariek egindako gomendioak kontutan hartuta eta segurtasun eta higiene arloan beharrezko neurriak %100ean bermatu ahal izateko zailtasunak ikusita, erabakirik zentzuzkoena eta arduratsuena dela uste dute eta hortaz, uda honetan ez da Kirol Kanpusik antolatuko. Patronatuak 10 urte baino gehiago darama sei eta hamahiru urte bitarteko ume eta nerabeentzat gero eta partaide gehiago izan duen (265 izan zituen 2019an) Kanpusa antolatzen baina aurten, egoerak behartuta, etenaldi bat egingo da, hurrengo urtean berreskuratzeko ilusioarekin.
 

Martxoaren erdialdean, koronabirusaren hedapena saihesteko asmoz, udal instalazioak eta bestelako espazio eta gune publiko eta pribatu ugari itxi egin behar izan ziren, horien artean gazteen lokalak.

Deseskalatzea faseak aurrera egin duen heinean hasieran hartutako neurri zorrotzak malgutuz doaz eta hala, atzotik, Elgoibarko gazteek beraien lokalak erabiltzeko aukera dute.

Udaltzaingoak kendu die zigilua lokalei, nolanahi ere, alarma egoera indarrean dirauen bitartean, arau jakin batzuk bete beharko dituzte. Elgoibarko Udala lokal hauek erabiltzen dituzten udalerriko gazteekin harremanetan jarri da bete beharreko arauak zeintzuk diren gogorarazteko.

  • Ordutegia: astelehenetik ostegunera: 10:00-22:00
  • Ostiral, larunbat eta jai bezperetan: 10:00-23:00
  • Igande eta jaiegunetan: 11:00-22:00
  • Aforoa: gehienez 15 lagun. Betiere lokalaren gehienezko aforoa ez badu gainditzen.
  • Maskaren erabilera derrigorrezkoa da.
  • Eserita egon behar da eta bi metroko distantzia mantentzen.
  • Adin txikoek beraiei dagozkien arauak bete behar dituzte.
  • Garbitasunerako eta desinfekziorako neurriak hartu behar dituzte.

Edozein zalantza izanez gero, gazteak Elgoibarko Udaleko Haur, Nerabe eta Gazteen Sustapeneko Sailarekin harremanetan jar daitezke, hurrengo bide hauen bidez:

  • Telefonoa: 943 74 10 50
  • Helbide elektronikoa: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.