Ane Beitia lore eskainbtza egiten

Beste urte batez, Elgoibarko Udalak, Memoriaren  Egunarekin bat egin du eta udalerriko giza eskubideen urraketak jasan dituzten biktima guztiak oroitu ditu Giza Eskubideen parkean egindako ekitaldi xume eta hunkigarri batekin. Omenaldia eguerdiko 12:00etan hasi da eta Ane Beitia alkateak, gobernu taldeko ordezkari  eta beste alderdietako zenbait kiderekin batera, udalerrriko giza eskubideen urraketak jasan dituzten biktima guztiak oroitzeko lore eskaintza egin du Gernikako Arbolapean. Ondoren, minutu bateko isilunea egin da. Izan ere Gernikako Arbola bera, bakearen sinbolotzat hartzen da eta Elgoibarren, Memoriaren Eguna, Giza Eskubideen parkean kokatzen den zuhaizpe horretan ospatzen da.

Aipatzekoa da Gogora Memoriaren, Bizikidetzaren eta Giza Eskubideen Institutuak 2020ko Memoriaren Egunaren ospakizuna sustatu duela, "ATZERA BEGIRATU AURRERA JARRAITZEKO"| MIRAR HACIA ATRÁS PARA SEGUIR ADELANTE" lelopean. Memoriaren ahalmen pedagogikoa balioetsi nahi du, bizikidetza adiskidetua eraikitzeko. Izan ere, azken urteotan, kontzentrazioetatik harago, memorren pedagogia zabaltzen duten ekimenak sustatzea jarri da helburu, elkarrizketa eta hausnarketa sortzen dituzten dinamikekin.

Debegesa Ekonomia zirkularreko eta ekintzailetzako tailerra

Debegesak, Bic Gipuzkoa eta WeBring-ekin elkarlanean, ekonomia zirkularreko eta ekintzailetzako doako tailer bat antolatu du 20 lagunentzat.

Ikastaro honek 26 irakastordu iraunen ditu, sei lanegunetan banaturik: azaroaren 16an hasi, astelehena, eta 23an amaituko da. Eskolak on line emango dira, 9:00etatik 13:00etara.

Ikastaroaren helburua da Debabarrenean espiritu ekintzailea indartzea eta ekintzailetzari buruzko ikuspegi orokorra eskaintzea, ekonomia zirkularraren kontzeptua zeharka landuz eta eskualdean dauden baliabideen berri emanez. 

Ekonomia zirkularraren esparruan interesa duen edonorentzat da tailer hau, eta bost modulu hauek landuko dira:

  • 1. Modulua: Ekintzaletza eta ekonomia zirkularra

  • 2. Modulua: Negozioak ekonomia zirkularrerantz bultzatuz

  • 3. Modulua: Eragina eta erantzukizun soziala

  • 4. Modulua: Jarduerak eta praktikak

  • 5. Modulua: Erabilerak

Izen- emateak:

https://docs.google.com/forms/d/e/1FAIpQLSenKW1CPmYpnAeXex_yZPRmEK8eTIx-6dhImDhz9CG2HZkc3g/viewform

Tailer hau Elgoibar, Ermua, Eibar, Deba eta Mutrikuko udalek sustatu dute eta Eusko Jaurlaritzako Ekonomiaren Garapen, Jasangarritasun eta Ingurumen Sailak lagundu du diruz.

Autonomo eta ETEak

COVID 19ren ondorioz, eta beste batzuen artean, Elgoibarko Udala eta Gipuzkoako Foru Aldundiarekin lankidetzan, Debegesak pertsona autonomoei eta ETE txikiei (10 langile baino gutxiago) laguntzeko zerbitzua jarri du martxan. Zerbitzua honakoan datza:  

  • Egungo egoera aztertzea

  • Negozioaren inguruko diagnostikoa eta hausnarketa egitea

  • Hurrengo urratsak ezartzea eta diru-laguntzen/laguntza-programen berri ematea.

Enpresek zalantzarik edo eskaerarik izanez gero, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera idatzi edo 943 82 01 10 telefonora deitu dezakete.

Astelehenetik aurrera Olaizaga Kiroldegiko eta Mintxetako instalazioen ordutegiak egokituko dira gaur iragarri den Osasun Saileko Dekretuari egokitzeko.

Alde batetik, astelehenetik ostiralera, Olaizaga Kiroldegiko eta Mintxetako instalazioak 21:00etara aurreratuko dituzte itxiera ordutegiak. Bestetik, ordutegi murrizketa hau dela eta, Udal Kirol Patronatuak Olaizaga Kiroldegiko larunbat arratsaldeetako ordutegia luzatzea erabaki du, 15.00etatik 20:00etara. Orain arte 16:00etatik 19:30etara irekitzen zen igerilekua. Ordutegi hau 38/2020 Dekretua, azaroaren 6koa, indarrean dagoen bitartean mantenduko du Udal Kirol Patronatuak eta azaroaren 14ean jarriko du indarrean.

Instalazioen alokerei dagokionez, Mintxetako tenis eta padel pistak, Olaizagako squasha eta frontoi txikia eta Ikastolako frontoia familiek bakarrik alokatu ahal izango dituzte. Rokodromoko boulderra banaka edo familian eskalatu ahal izango da eta sokarekin bertikalean familiek bakarrik eskalatu ahal izango dute.

Mintxetako eta Olaizagako muskulazio gelak eta igerilekuak irekita mantentzen dira orain arte bezala, aurretiko hitzorduarekin (Telefonoz, Harreran edo On line ).
 

Elgoibarko Udala

Ostalaritzaren itxiera dekretatzeko Eusko Jaurlaritzak hartutako erabakiaren ondorioz, Elgoibarko Udalak azaroko eta abenduko zabor kuota ez kobratzea erabaki du. 

Kuota helbideratuta duten 5 langile baino gutxiagoko establezimenduek, datorren astelehenean jasoko dute bigarren seihilekoaren kobrantza, baina atzera botatzeko aukera izango dute. Helbideratuta ez dutenek, ez dute ordaindu beharko hilabete horietan.

Halaber, bi kasuetan, helbideratuta dutenek zein helbideratu gabeek, dagokion hobaria eskatu beharko dute astelehenetik aurrera, udalaren Herritarren Arreta Zerbitzuan (HAZ)
 

Atzoko LABIko (Euskadiko Babes Zibileko Plana) aholkularitza-batzordearen batzarraren ondoren eta ostalaritzaren itxiera dekretatzeko Eusko Jaurlaritzak hartutako erabakiaren ondorioz, Elgoibarko Udalak jakinarazten du neurri honek ostalaritzako “On Egin” bonuen bi kanpainei eragingo dietela.

Alde batetik, urrian salmentan jarri ziren 3.250 bonoak trukatzeko epea (printzipioz, abenduaren 1era artekoa zena) luzatu egingo da, itxierak iraun bezain beste egun. Gogoratu beharra dago ere, jada bonoa duten erosleek etxez etxeko bidalketa duten eta kanpainarekin bat egin duten taberna eta jatetxeetan aleak trukatzen jarraitzeko aukera izango dutela. Halere, ostalaritzaren irekiera erabakitzen denean, urriko  bono hauen iraungintzearen data konkretuaren berri emango da.

Bestalde, atzo bertan iragarritako eta hurrengo astean abiaraztekoa zen bigarren kanpaina bertan behera geratzen da momentuz. Udalak ekimenari berriro heldu nahi dio taberna zein jatetxeek ateak berriro ireki bezain laster.

Barkatu eragozpenak.

Osasun Sailak urriaren 23an jakinarazi zuen aginduarekin batera, Udal Kirol Patronatuko ikastaroak, egun horretan, bertan behera utzi ziren. Osasun Sailak, berriz, urriaren 26an agindu hori aldatu eta kirol ikastaroak berriro martxan jartzeko aukera eman zuen arren, Udal Kirol Patronatuak birusa ez hedatzeko asmoz, bi aste hauetan, kirol jarduerak etenda mantendu ditu.

Eusko Jaurlaritzako dekretuek kirol jarduerak baimentzen jarraitzen dutenez, Udal Kirol Patronatuak, agindu berririk iritsi bitartean behintzat, kirol ikastaroak martxan jarriko ditu astelehenetik, azaroaren 9tik, aurrera, beti ere 6 pertsonako azpitaldeak osatuta, segurtasun distantzia mantenduz eta ikastaro guztietan, spinning, yoga eta bestelakoak ere bai, musukoa erabiliz (Osasun Sailak derrigortzen du).

Indarrean sartu den Dekretuari kasu eginez bihartik aurrera instalazioetako aldagelak eta dutxak ere ezingo dira erabili. Igerilekuko erabiltzaileek bakarrik erabili ahal izango dituzte.
Eta kirol ikastaro guztietan, spinning barne, eta muskulazio gelan eta kardio gelan ere, musukoa derrigorrezkoa izango da.

Hau izango da eskaintza, azaroaren 9tik aurrera:

 Udaltzaingoaren instalazioak

Ertzaintzak eta udaltzainek dituzten aplikazio-irizpideak jasotzen dituen dokumentua (PDF)
(1.Berrikusketa da, beraz, hurrengo egunetan irizpide hauek eguneratu egingo dira, atzo Jaurlaritzak neurriak gogortzeko hartutako erabakia dela eta)

Pandemiaren bilakaeraren ondorioz urriaren 26an Eusko Jaurlaritzak prebentzio-neurri espezifiko berriak iragarri zituenetik, Elgoibarko Udaltzaingoak 14 salaketa jarri ditu, osasun-agintariek COVID-19aren hedapena geldiarazteko ezarritako neurriak ez betetzeagatik.

Zehazki, 14 salaketak urriaren 29tik azaroaren 3ra bitartean ezarri dira, eta mugikortasunarekin eta maskararen erabilerarekin erlazionatuta daude. Poliziak guztira 7 salaketa jarri ditu udalerri mugakideko pertsonen sarrerak eta irteerak ez errespetatzeagatik eta beste 5 gaueko ordutegian zirkulatzeko askatasun mugatzea ez errespetatzeagatik. Halaber beste 2 isun jarri dira maskara ez erabiltzeagatik eta beste bat horren erabilera desegokia dela eta.

Egoera serio eta kezkagarri baten aurrean gaudela jabetu behar dugu. Aste gogorrak aurreikusten dira. Arduraz jokatzeko konpromisoa hartu behar dugu gure eta besteen osasuna babesteko” esan du Ane Beitia alkateak.

Aipatu behar da, gainera, urriaren 29ra arte, udaltzainak udalerriko kaleetan zehar ibili direla, lan pedagogikoa egiten eta herritarrei indarrean dagoen araudiaren berri ematen. Era berean, aste honetan zehar, Udaltzaingoa informazio-dokumentu desberdinak banatzen ari da udalerriko ostalaritza-establezimenduetan. Dokumentu horietako batek, Ertzaintzak eta udaltzaingoek osasun-alarman aplikatzeko dituzten irizpideen inguruko informazio jasotzen du eta 36/2020 Dekretuan jasotako neurri nabarmenenak aipatzen ditu. Agenteek bigarren dokumentu bat ere banatu dute, dekretu horrek jasotako arauetan ezarritako neurri murriztaileez gain, hamar gomendio biltzen dituena. Bertan, horiek betetzea bereziki garrantzitsua dela azpimarratzen da prebentzio-neurriak indartzeko eta kutsatzeko arrisku handiena duten egoerak murrizteko. Gainera, dokumentu honek galderak eta erantzunak jasotzen ditu, Eusko Jaurlaritzak onetsitako azken dekretuaren edukiak hobeto ulertu eta interpretatzeko.

hostalaritza bonoen iragartzeko kartela

Ostalaritzak bizi duen egoera konplexua kontuan hartuta eta Elgoibarko ekonomia eta kontsumoa bultzatzen jarraitzeko helburuarekin, Udalak, “On egin” bonoen kanpaina abiarazi du beste behin. Herriko ostalaritza suspertzen jarraitu nahi da, baita Elgoibarko familien ekonomia arintzen jarraitu ere.

Horrela, azaroaren 9tik 12ra bitartean guztira 2.000 bono jarriko dira salgai. Era telematikoan erosi ahal izango dira, 19:00etatik aurrera, udaleko web orrian. Zehazki, gehienez 500 ale salduko dira egunean, agortu arte eta aurrekoetan bezala,  8 eurokoak izango dira; Udalak 4 euro jarriko ditu, eta erosleak beste 4 euro. Pertsona bakoitzak 5 bonu erosi ahal izango ditu gehienez.
 

 

GAOn publikatutako deialdi ofiziala

 

erreserbak egiteko bannerra

  • Udalaren web orrialdean bi banner ipiniko dira eta erabiltzaileek erraz eta azkar egin ahal izango dute erreserba. Horretarako, Elgoibarko Kirol Patronatuak 12 punturekin osatutako arautegi bat prestatu du.

  • Araudia

Leok´k kontzertua iragartzeko kartela

Elgoibarko Udalak, Covid-19 osasun krisia dela eta, San Bartolome jaietan bertan behera geratu ziren zenbait ekintza programatzen jarraitzen du.

Gauzak horrela, urriko eta azaroko zenbait ostiraletan zehar “Oingoan bai” izeneko ekimena gauzatzen ari da Herriko Antzokian. Egitasmo honi esker, Elgoibarko bost musika taldek kontzertu desberdinak ari dira eskaintzen.

Urrian “Bikustik” eta “Amorante” taldeek jardun zuten eta azaroari dagokionez, aste honetan, hilak 6, kontzertu bikoitza egingo da “Elaners” eta “Leok´k” taldeen eskutik. Amaitzeko, hurrengo ostiralean, azaroak 19, “Testura” izenekoak jardungo du.

Bi kasuetan kontzertuak 19:00ean hasiko dira eta euro bateko prezio sinbolikoa izango dute. Sarrerak salgai daude Herriko Antzokian bertan eta Kutxabanken bidez.