bikote omendua
bikote omendua

Beste urte batez, Elgoibarko Udalak eta Jubilatuen Biltokiak aurten Urrezko Ezteiak (50 urte ezkonduta) bete dituzten bikote elgoibartarrak omendu ditu. Horrela, eta Jubilatuen Biltokiak, Elgoibarko Udalaren Gizarte Ongizate sailarekin elkarlanean antolatzen duen Jubilatu eta pentsiodunen astearen barruan, gaur, Ane Beitia alkateak eta Blanca Larrañaga Gizarte Ongizateko zinegotziak, lore sorta eta oroigarri bana entregatu die herriko hiru bikoteri.

Okasio honetan, koronabirusa dela eta sortutako larrialdi egoeragatik ezin izango da 80 urtetik gorakoen bazkaria egin; horren ordez, omendutako bikoteei Elgoibarko jatetxe batean gastatzeko janari-bonua oparituko zaie. Bonua, jatetxeek ateak berrireki bezain pronto erabili ahal izango dute.

Bestalde, ekintzek jarraipena izango dute bihar, Gabonetako otarren zozketarekin (aurten ateak itxita egingo da) eta igandean, hildakoen omenezko meza egingo da 11:30ean, San Bartolome parrokian. Azkenik, azaroaren 30ean “Cuidar de ti-cuidar de mi: transformando el cuidado” tertulia antolatu da Kontxi Lopezen eskutik, 16:30ean, Jubilatuen Biltokian.

Amaiera Euskaraldia KARTELA

 

Euskaraldiaren 2.edizioaren bukaera abenduaren 4an bukatu arren, Elgoibarko Talde Eragileak amaiera ekitaldia, abenduaren 3an egitea erabaki du, Euskararen Nazioarteko Eguna dela aprobetxatuta.  

Amaiera ekitaldiak bi ekintza nagusi izango ditu:

  • 6000 metroan ere, oxigenoa euskarari dokumentala, Felipe Uriarte zuzendariak aurkeztuta.
  • Bigarren Euskaraldia Elgoibarren bideoa. Zer eman digu Euskaraldiak elgoibartarroi? Eta zer eman diogu guk ariketari? 

      OHARRA: amaiera ekitaldian parte hartzeko, aurrez eman behar da izena, 943741626 telefonora deituta edo hemen  klikatuta.

Abenduaren 3an Euskararen Nazioarteko Eguna ospatzen dela eta, Elgoibarko Udalbatzak bat egin du EUDELek,  gainerako euskal erakundeekin batera, landu duen Adierazpen instituzionalarekin. 

Adierazpen horren bidez, deia egin da hiztunek euskararekiko jarrera aktiboa izan dezaten, egunero delako «euskararen aldia».
 

Joan den asteartean, azaroak 17, “ELGOIBARKLIK”, onlineko salmentak egiteko plataforma, aurkeztu genien hedabideei.

Elgoibarko merkataritza, ostalaritza eta zerbitzu enpresa guztiak bateratuko dituen plataforma bat izango da; erakusleiho bat, alegia, herritarrek, Elgoibartik irten gabe, behar dutena aurkitu ahal izan dezaten.

Plataforma honetan, enpresen informazioa erakusteaz gain, sail bat izango da on-line edo whatsapp bidez saldu ahal izateko.

Aukera bikaina da, beraz, zure enpresak sarean presentzia izan dezan. Horretaz gain, laguntza pertsonalizatua izango duzu, digitalizazio prozesua behar bezala bideratzeko behar duzun laguntza guztia jasotzeko.

Bestalde, Elgoibarko merkataritza, ostalaritza eta zerbitzu guztiek parte hartu ahal izango dute ELGOIBARKLIK plataforman, TXANKAKUAKO BAZKIDE DIREN ALA EZ kontuan izan gabe, hala ere, izen-emateak Txankakuaren bidez kudeatuko ditugu.

 ELGOIBARKLIK plataforman parte hartu nahi baduzu, abenduaren 10era arte izango duzu izena emateko aukera. Horretarako, gutun honekin batera doakizun IZEN-EMATE ORRIA bete eta   txankakua.elkartea@gmail.com helbide elektronikoari bidali.

Zalantzaren bat baldin baduzu, dei egin iezaguzu 943747301 telefono zenbakira.

ELGOIBARKLIK – IZEN-EMATE ORRIA

erizaina pcr bat egiten

Osasun Sailak eta Osakidetzak, egiten dituzten zaintza- eta kontrol-lanen barruan, herritarren lankidetza eskatzen dute, eta, behean zehazten den biztanle-taldeari, PCR proba egitera joateko eskatzen diote.

Bizilagunek aldez aurretik hitzordua eskatu beharko dute telefonoz (gaurtik aurrera, azaroak 24), telefono honetara deituz 943 03 26 44 edota Osakidetzako Osasun Kontseiluaren telefonora deituz 900 20 30 50.

PCR probak ateratzeko azpiegitura Elgoibarko Osasun Zentruan jarriko da azaroaren 26tik, osteguna, azaroaren 27 arte, ostirala. PCRak honako ordutegi honetan egingo dira:
  • Osteguna eta ostirala: 15:00-19:00
  • *Emaitza guztiak SMS bidez bidaliko dira.

Bien bitartean, Osasun Sailak eta Osakidetzak herritar guztiei gogorarazten diete COVIDekin bateragarriak diren sintomak edukiz gero –besteak beste, sukarra, eztula, eztarriko mina, arnasteko zailtasunak edo usaimenaren galera– beren etxeetan isolatzeko eta osasun-zentroa deitzeko.

Pandemiaren ondorioz, jende pilaketak ekiditeko helburua nagusi dela, azaroaren 25ean, Emakumeenganako Indarkeriaren Aurkako Nazioarteko Egunean, ez da elkarretaratzerik egingo. Hala ere, indarkeria gaitzetsi eta herritarren kontzientzian eragiteko asmoz, beste hainbat ekintza egingo dira; “Ez da ez” bideoaren zabalkundea, besoko moreak banatuko dira herriko hainbat dendatan, LH2ko herriko haurrek egindako Tratu Onen murala jarri da Aita Agirre kulturguneko sarreran, Udal brigadako eta Mankomunitateko langileek txaleko moreak jantzi dituzte, Gaztelekuko nerabeek Berdintasunaren Grafitia egingo dute…

Irmoki gaitzesten dugu emakume batek Donostian jasandako erasoa. Lehenbailehen sendatzea nahi dugu. Emakumeen aurkako indarkeria da emakumeen eta gizonen arteko desberdintasunaren adierazpen krudelena. Funtsezkoa eta premiazkoa da berdintasunaren alde lanean jarraitzea.
 
tratu onen murala
"berdin da gehiago" leloa txaleko batean

udaletxea

  • Adin nagusiko guztiek parte har dezakete, bai Elgoibarkoek, baita beste herrietakoek ere. Lanak aurkezteko epea, abenduaren 10era arte egongo da zabalik, Udaleko HAZ bulegoan.

  • Saria 300 eurokoa izango da eta erabakia abenduaren 14an hartuko da.

  • Oinarriak (pdf)

 

Martxan da Elgoibarren eta Euskal Herri osoan Euskaraldia ariketa sozialaren bigarren edizioa. Gaur hasi eta abenduaren 4ra arte, euskara gehiago, gehiagotan eta gehiagorekin egitea izango da Euskaraldian izena eman duten herritarren helburua. Horretarako, aurretik, lehen edizioko metodologia errepikatuz, Ahobizi edo Belarriprest rola aukeratu behar izan dute. Bigarren edizioan, gainera, herriko entitateek ere izena eman eta era aktiboan parte hartzeko aukera dute, ariguneak sortuta. 

Zer egin behar dute ariketan izena eman dutenek? 

Zer egin behar dute rol bat edo bestea aukeratu dutenek azaroaren 20tik abenduaren 4ra? 

Ahobizi rola aukeratu dutenek: 

AHOBIZI rola aukeratu dutenek euskaraz egingo diete euskaraz ulertzen dutenei. Baita ezezagunei ere, lehen hitza, ulertzen duten ala ez ikusi arte. Hori da hartu duten konpromisoa. Ariketak iraungo duen 15 egunetan, bistan eramango dute Ahobizi txapa, eta Ahobizi musukoa ere bai, erosi dutenek.  

Belarriprest rola aukeratu dutenek: 

BELARRIPREST rola aukeratu dutenek euskaraz ulertzen dutela eta haiei euskaraz egiteko adieraziko diete euskaraz dakitenei. Hori da hartu duten konpromisoa. Ariketak iraungo duen 15 egunetan, bistan eramango dute Belarriprest txapa, eta Belarriprest musukoa ere bai, erosi dutenek.   

Arigune bateko kide direnek: 

Entitateetan euskaraz lasai berba egiteko sortu dituzten guneak edo taldeak dira Ariguneak. Bertako kide guztiek ulertzen dute euskara eta gehiengoak erabaki du arigunea sortzea. Bestalde, hamabost egunotan, herritarrek euskaraz lasai berba egiteko aukera izango dute entitate batera joan eta Arigune ikurra ikusten badute.   

neguko oporraldia iragartzeko kartela

 
Neguko oporraldia dela eta Elgoibarko udal Ludotekak eta Atxutxiamaikak abenduaren 23tik urtarrilaren 8ra luzatuko den haurrentzako aisia eskaintza antolatu dute. Ekimenean parte hartu nahi dutenek azaroaren 23tik abenduaren 4ra eman ahal izango dute izena www.elgoibarkoizarra.eus web gunean Elgoibarko Izarraren bulegoan edo Ludotekan.

Herriko haur guztien aisiarako aukera berdintasuna bermatzeko helburuarekin Udalak dirulaguntzak emango ditu. Honakoak izango dira onuradunak:
  • Familia ugariak eta guraso bakarreko familiak. Kuota osoaren %30.
  • Familia ugaria izan gabe, bigarren seme-alabaren izen ematea egiten dutenek. Kuotaren % 30 (bigarren izen emate honetan).
  • Gizarte izaerako diru-laguntzaren bat (Diru-Sarrerak Bermatzeko Errenta  edo Gizarte Larrialdiko Laguntza) jasotzen duten familiek. Kuotaren %70.
Eskaerak abenduaren 15a baino lehen egin beharko dira Herritarren Arreta Zerbitzuan (HAZ) edo  udaleko egoitza elektronikoan.
 
 

Zutik Emakumeok! kartela

  • Aurtengo egitarauan COVID-19ak eragina izan badu ere, segurtasun neurri guztiak bermatuz, egitarau aberatsa aurkeztu da. Udalak eta herriko elkarteek antolatuta, abenduaren 4ra arte argazki erakusketak, tertuliak, pelikulak, zine forumak, ipuin kontalariak, antzerkiak eta abar izango dira Elgoibarren.

  •  Adin eta gustu guztiei zuzendutako ekimen hauek Elgoibarko hainbat gunetan egingo dira, besteak beste, Aita Agirre kulturgunean, herriko dendetako erakusleihoetan, Jubilatuen Biltokian, Gotzon Garate Udal liburutegian, Gaztelekuan eta Ludotekan, Herriko Antzokian...

  • KARTELA

 

gabonetako dekorazioa

  • Parte hartu nahi duten establezimenduek azaroaren 23era arte izango dute izena-emateko epea, (egun hau barne) 14:00ak arte, izen-emate orria betez eta e-mail bat bidaliz Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera; edo bestela, HAZ bulegoan aurkeztuz (Santa Ana kalea, 2).

  • OINARRIAK