Inprimatu

 

Ludotekako ekintza berezia

Elgoibarko Udal Ludotekak Ikasturte berriari hasiera emateko eta haurrak elkartzeko helburuarekin, Bolatokiko parkean festa antolatu du, dohainik. 17:00etatik 19:00etara izango da, eta euria egingo balu, festa lekuz aldatuko litzateke, Maalako aterpera.

Haurren elkargune

Bolatokiko parkeko festa HH 5 eta LH 6 bitarteko neska-mutilei dago zuzendua, eta besteak beste, tailer ezberdinak izango dira bertan. Udalak herriko haurrei egin die dei, bertaratzera animatzeko. Bide batez, halako zerbitzuek duten garrantzia ere azpimarratu nahi izan du: «Elgoibarko Udal Ludoteka haurrentzako elkargunea da. Zerbitzu soziohezitzaile honen helburua da, jolas-jardueren bidez, herriko neska-mutilek elkar ezagutzea, eta une atseginak pasatzea. Betiere, hezitzaileen bidelaguntzarekin».

Era berean, Udaletik gogoratu dute, bai ostiraleko festan, eta baita Ludotekan bertan ere, Covid 19aren prebentziorako neurriak errespetatuko direla.

ADI! Gune honek cookie-ak eta antzeko teknologiak erabiltzen ditu. Zure nabigatzailearen konfigurazioa aldatzen ezbaduzu , bere erabilera onartzen ari zara.