Ane Beitia Urrezko bandera jasotzen Bruselan

Urrian Europako Kirolaren Herri Onena izendatua izan ondoren, gaur, abenduak 10, Ane Beitia alkateak dagokion urrezko bandera jaso du Bruselan, Europar Parlamentuan, ACES Europeko (Federation for the Associations of the European Capitals and Cities of Sport) Lehendakaria den Gian Francesco Lupatteliren eskutik. Sariak Nazioarte mailako erreputazioari bultzada baliotsua ematea suposatzen du, Elgoibar mundu mailako kirol-sektoreko foko sozial, politiko eta instituzionalean kokatuz. Alkatearekin batera, saria jasotzeko unean Blanca Larrañaga eta Iñigo Loiola zinegotziak, Ramon Mugika Udal Kirol Patronatuko zuzendaria eta Elgoibarko hautagaitza ebaluatu duen Kosice-ko Unibertsitateko (Eslovaquia) ordezkaria ere igo dira saria jasotzera. 

Zentzu horretan, Elgoibarko Udalak herriko kirol talde eta elkarteek egindako lana aitortu eta eskerrak eman nahi du. Izan ere, europar sari honen ospakizunari esker, mota askotariko jardunak abiarazi dira Elgoibarren eta azkeneko hilabeteetan, maila nazional eta nazioarteko mailan garrantzi handia duten lehiaketa federatu eta herri mailako lehiaketa ugari egin dira. Esan daiteke, beraz, elgoibartarrek eurena sentitu dutela sari hau, eta kirolak udalerrian duen garrantzia azpimarratu dutela.