- Alkatea eta diputatua Jubilatuen Etxeko, Nagusilaneko, Bizitzen fundazioko, Elgoibar Lagunkoiako eta San Lazaro egoitzako ordezkariekin batu dira.
- Martxoaren 7an amaituko da enpresek Errezabal egoitza eraikitzeko eta kudeatzeko lizitaziorako proposamenak aurkezteko epea. Aurrekontua 21 milioi euro baino gehiagokoa da.
Elgoibarko Udalak eta Gipuzkoako Foru Aldundiak urratsak ematen jarraitzen dute Errezabal egoitza berria, El Pilar ikastetxearen orube zaharrean kokatuko dena, ahalik eta lasterren errealitate izan dadin.
Maite Peña foru diputatuak eta Ane Beitia alkateak bilera egin dute Errezabal egoitzaren proiektuarekin zerikusia duten Gizarte Zerbitzuetako eragileekin. Bileran parte hartu dute Jubilatuen Etxeko ordezkariek, Nagusilanek, Bizitzen fundazioak, Elgoibar Lagunkoiak, San Lazaro egoitzak eta udal ordezkariek.
Gipuzkoako Foru Aldundiko Gobernu Kontseiluak 2022ko abenduaren hasieran onartu zuen Elgoibarko El Pilar ikastetxeko lurzatian gizarte-zerbitzuetako ekipamendu bat eraikitzeko eta kudeatzeko lizitazioa. Ekipamendu horrek honako hauek izango lituzke: adinekoentzako egoitza bat, eguneko zentro bat (40 plaza) eta aparkaleku bat (140-150 plaza). Enpresek proposamenak aurkezteko epea martxoaren 7an amaituko da. Gunea eraikitzeko eta kudeatzeko lizitazioaren aurrekontua 21 milioi euro baino gehiagokoa da.
De acuerdo con los estudios previos, la nueva residencia tendrá una superficie aproximada de 10.500 metros cuadrados, y estará compuesta por pequeñas unidades convivenciales, de 12-18 personas, serán en su mayoría
Aldez aurreko azterlanen arabera, egoitza berriak 10.500 metro karratuko azalera izango du gutxi gorabehera, eta 12-18 pertsonako bizikidetza-unitate txikiz osatuta egongo da. Gela gehienak banakakoak izango dira, eta komunitateari irekita egongo da, inguratzen duten berdeguneekin, egonleku zabalekin, jantokiekin eta kafetegiarekin.
Ane Beitia alkateak azpimarratu du “apustua irmoa eta estrategikoa da Elgoibar, Debabarrena eta Gipuzkoarentzat. Instalazio modernoak, irisgarriak eta komunitateari lotuak izango dira. Azpiegitura berria zentro berritzailea izango da eta Elgoibarko eta eskualde osoko egungo eta etorkizuneko beharrei erantzuteko gai izango da. Urrats sendoa eta behin betikoa da Errezabal laster errealitate izan dadin. Elgoibartarrengan eragin zuzena izango du, herritarrei, hurbilen duten eremuan, zaintza-zerbitzu eta gizarte-arlo aurreratu eta kalitatezkoa eskainiz. Apustu estrategiko partekatua tokiko eta Gipuzkoako herritarren bizitza hobea, errazagoa eta seguruagoa izan dadin”.
Bestalde, Maite Peña foru diputatuak azpimarratu du azpiegitura berria zentro berritzailea dela, eta Elgoibarko egungo eta etorkizuneko beharrei erantzuteko gai dela, baita Debabarrena eskualde osokoei ere: «Proiektu anbiziotsua eta elkarlanekoa da adineko eta mendekotasuna duten pertsonak zaintzeko, hurbiltasunetik eta pertsonalizaziotik abiatuta». Egoitza berria Elgoibarko tokiko zainketa-ekosistemaren ardatza izango da, eta, Peñak azaldu duenez, “eremu irisgarria eta ingurunera konektatua izango da. Gipuzkoak arreta eta zaintza eredu komunitarioago baterantz egiten du aurrera, eta pertsona bakoitzaren behar eta eskaeretan zentratzen da. Gipuzkoako eredu soziala bere egiteko modu batean oinarritzen da, hirugarren sektorearen lankidetzarekin eta esperientziarekin, eta zerbitzu eta politika sozialen sistema finkatu batean, eraldatzeko eta egokitzeko gaitasun handia dueña”. Era berean, Elgoibarko ekipamendu berria norabide horretan doala eta lurralde-mailan erreferentea izango dela azpimarratu du.