Udalak 5.000 euroko diru-laguntza emango dio Txankakua Merkatarien Elkarteari 2022. urtean.
Udal-ordezkariek adierazi dute “merkataritza-asoziazionismoa bide interesgarria dela merkataritza independentearen lehiakortasuna hobetzeko eta, horrekin batera, udalerriaren irudia eta bizitza hobetzeko”.
Elgoibarko Udalak eta Txankakua Merkatari Elkarteak lankidetza hitzarmena sinatu dute herriko merkataritza sustatzeko. Udalak 5.000 euroko diru-laguntza emango dio Txankakua merkatarien elkarteari 2022an, Elgoibarko merkataritza sustatzearekin lotutako hainbat jardueratarako.
Txankakua-k eta Udalak prestakuntza, komunikazio, animazio eta sustapenaren alorretan egingo dute lan, baita Elgoibarko aisialdiko sektorean ere. Horrela, asoziazionismoa sustatuko dute, hiriko merkataritzaren irudi bateratua eta erakargarria sustatu eta sendotu, bezeroak kanpainen bidez leialduko dituzte, gastu-ihesa saihestuko dute eta inguruko udalerrietako bezeroen asistentzia-fluxua erakarriko dute.
Bestalde, Elgoibarklik plataforma digitala jarri zen martxan 2020an, Elgoibarko saltokiak ikusgai jartzeko, haien digitalizazio-maila edozein dela ere. Elgoibarkliken 2022rako ekintza-plana bultzatuko da, Elgoibarklik plataforma indartzea eta bultzatzea helburu duena, plataforma horri atxikitako denda guztien lan-, salmenta- eta zabalkunde-tresna izan dadin.
Udalak adierazi du “merkataritza-asoziazionismoa bide interesgarria dela merkataritza independentearen lehiakortasuna hobetzeko eta, horrekin batera, udalerriaren irudia eta bizitza hobetzeko. Erakundeok merkataritza osoa babesten jarraituko dugu, gure kale eta auzoetako enplegu- eta bizitza-ardatz estrategiko gisa bultza dezaten”.