- Harri-lubeta bat eraikiko da, ezponda bete eta berriro profilatuko da, eta urbanizazioko espaloia konponduko da.
- Lan horiek egiteko aurrekontua 54.719,91 eurokoa da, gehi BEZa. Lanak egiteko aurreikusitako epea 4 astekoa da.
2021eko abenduko uholdeetan, Deba ibaiaren ur-goraldiak higadura eragin zuen oinean, eta, horren ondorioz, ezponda lerratu zen Ibaitarteko industrialdearen urbanizazioan. Lerradura gertatu den ezponda poligonoaren urbanizazioaren eta Deba ibaiaren artean dago kokatuta.
Mendi-magalaren egonkortasuna bermatuko zuen irtenbide bat aurkitu ahal izateko eta etorkizunean lerratzeak saihesteko, udalak esleitu diren obren egikaritze-proiektuaren idazketa kontratatu zuen.
Udalak harri-lubeta bat egiteko, ezponda betetzeko eta berriz profilatzeko eta urbanizazioko espaloia konpontzeko lanak otsaila hasieran hastea aurreikusten du.
Ezponda berritzeko obrak honako hauek dira:
- Erriberako harri-lubeta. Ur-bazterreko harri-lubeta bat aurreikusi da, 4 metrokoa.
- Ezponda betetzea eta berriz profilatzea. Harri-lubeta egin ondoren, ezponda profilatu eta zati batean beteko da, malda egonkorra emateko.
- Espaloia birjartzea. Espaloia birjarri eta aparkalekua kendu egingo da.
Lan horiek egiteko aurrekontua 54.719,91 eurokoa da, gehi BEZa. Asfaltados y Construcciones Morga SL enpresak egingo ditu. Lanak egiteko 4 asteko epea aurreikusten da.