- Dagoeneko irekita dago matrikulazio epea eta UEUren webgunean www.ueu.eus edo UEUren bulegoetan (Bilbo, Eibar, Iruñea) burutu daiteke.
- Elgoibarko Udalak matrikularen erdia diruz lagunduko die Elgoibarren erroldatuta dauden herritarrei, gehienez ere, 200 euroko mugarekin. Eskaera egiteko epea urriaren 28an bukatzen da.
Aurreko urteetan bezalaxe, Elgoibarko Udalak dirulaguntzak emango dizkie Udako Euskal Unibertsitateak, Eibarko eta Iruñeko eta egoitzetan, udazkenean eskainiko dituen ikastaroak bertatik bertara edo on-line egiten dituzten herritarrei.
Izan ere, UEUk, dagoeneko prestatu du datozen hilabeteetan Eibarren, Iruñean eta on-line egingo diren ikastaroen eskaintza.
Dagoeneko irekita dago matrikulazio epea eta UEUren webgunean www.ueu.eus edo UEUren bulegoetan (Bilbo, Eibar, Iruñea) burutu daiteke.
UEUk antolatu dituen ikastaroei buruzko informazio gehigarria nahi dutenek Udako Euskal Unibertsitatearen webgunean (www.ueu.eus) izango dute eskura. Eibarren programatutako ikastaroak, bestalde, Isasi-Markeskoa jauregian emango dira (telefonoa: 943 821426, markeskoa@ueu.eus).
Elgoibarko Udalak matrikularen erdia diruz lagunduko die Elgoibarren erroldatuta dauden herritarrei, gehienez ere, 200 euroko mugarekin.
Dirulaguntzari buruzko informazio gehiago lortu nahi dutenek Elgoibarko Udalaren Euskara sailera jo beharko dute (943 744366 euskara@elgoibar.eus). Eskaera egiteko epea urriaren 28an bukatzen da.
Hona hemen UEUk 2022ko udazkenerako prestatu duen eskaintza akademikoa:
- Hizkuntza Trataera Bateratua: Euskara, gaztelania eta atzerriko hizkuntza modu integratuan lantzen DOAN-ONLINE (unibertsitatean ikasten dabiltzan nafar ikasleek dute lehentasuna)
- Adikzioak ezagutuz ekin. Osasun Zientzietako ikasle eta profesionalentzat prestakuntza DOAN-IRUÑEA (unibertsitatean ikasten dabiltzan nafar ikasleek dute lehentasuna)
- Ipuin-kontalaritza: bazen behin ahozkotasuna eta gorputz adierazpena (IRUÑEA)
- Sexu-hezkuntza lantzen haur hezkuntzan eta lehen hezkuntzan DOAN-ONLINE (unibertsitatean ikasten dabiltzan nafar ikasleek dute lehentasuna)
- Haurraren behaketa 0-3 urte bitarteko etapan (ONLINE)
- Ikusmira aldatzeko feminismotik zelatan DOAN-ONLINE (unibertsitatean ikasten dabiltzan nafar ikasleek dute lehentasuna)
- Hezkuntza-espazioen arkitektura didaktikoa (ONLINE)
- Zer ebaluatu hizkuntza batean? Nola ebaluatu? (ONLINE)
- Psikomotrizitatean sentsibilizazio ikastaroa (IRUÑEA)
- Ez utzi biharko gaur egin dezakezuna: produktibitatea hobetzeko metodoen oinarriak eta tresna digital lagungarriak DOAN-ONLINE (unibertsitatean ikasten dabiltzan nafar ikasleek dute lehentasuna)
- Matematika eskuratzeko zailtasunak: Diskalkulia (ONLINE)
- Irakurketa erraza (ONLINE)
- Komunikazio eraginkorra, gozatu komunikatuz! (EIBAR)
- Zirkua hezteko herraminta bezala (EIBAR)
- Indarkeria matxisten kasuen arretan eta esku-hartzean begirada feminista DOAN-IRUÑEA (unibertsitatean ikasten dabiltzan nafar ikasleek dute lehentasuna)
- Pertsonarengan zentratutako osasungintza- Arreta integrala eta Komunikazio klinikoa propioa (IRUÑEA)
- Ahots-teknika ikastaroa: kantua sentitu, jolastu, gozatu (EIBAR)
- Neurosiaren prebentzioa haurtzaroan propioa (IRUÑEA)
Scape Room digitala sortzen (EIBAR)