Elgoibarko Udalak diru-laguntza lerro bat jarri du abian ostalaritzan digitalizazioa eta TicketBairen ezarpena sustatzeko

Udalak 8.500 euro bideratuko ditu.

Eskabideak apirilaren 26a baino lehen aurkeztu behar dira, egun hori barne, udal egoitza elektronikoan.

Elgoibarko Udalak diru-laguntza lerro berri bat jarri du abian ingurune digitaletara eguneratzea eta ostalaritzan TicketBai ezartzea sustatzeko, 2021ean egin den gastuaren arabera. Aurretik, 2021ean, merkataritza-sektoreari zuzendutako diru-laguntza lerro bera jarri zuen abian, eta 2022an, 2022ko gastua duten merkataritza eta ostalaritzarako diru-laguntza lerro bera aterako da.

Eskabideak apirilaren 26a baino lehen aurkeztu behar dira, egun hori barne. Diru-laguntzen eskaerak elektronikoki egin ahal izango dira udalaren web orriaren bidez.

Unai Arizmendiarreta Ekonomia Sustapeneko zinegotziak nabarmendu du “digitalizazio-prozesua azkartu egin da eta, gainera, digitalizazioa eta iruzur fiskalaren aurkako borroka lotzen dituzten lege-aldaketak datoz. Gainera, produktuak merkaturatzeko modu digitalagoak ezartzen ari dira, eta horrek marketin digitala gehiago erabiltzea dakar. Diru-laguntza lerro hau Elgoibarko Udalaren ekonomia suspertzeko proiektuaren beste hanka bat bihurtu da”.

Udalak 8.500 euro bideratuko ditu laguntza ekonomikoa finantzatzeko. Ostalaritza-sektoreko jarduera ekonomikoko enpresa gisa eratuta dauden pertsona fisiko edo juridikoak izango dira laguntzen onuradunak, baldin eta diru-laguntza honen baldintzak betetzen badituzte.

« »