- Kanpaina horren bidez, haurrak gurasoekiko harreman hori islatzen duen marrazki bat egitera gonbidatu zituen herritarrak, aitatasun zaintzaile horiek ikusaraziz.
Elgoibarko Berdintasun sailak ‘Nire aitak ere bere denbora eskaintzen dit’ Aita Parekidearen I. Kanpaina jarri zuen martxan Aitaren Egunaren bueltan, martxoak 19. Kanpaina horren bidez, haurrak gurasoekiko harreman hori islatzen duen marrazki bat egitera gonbidatu zituen herritarrak, aitatasun zaintzaile horiek ikusaraziz. Guztira 38 marrazki izan dira aurkeztuak.
Jarduera hiru kategoriatan banatzen da: Haur Hezkuntzako 2. zikloko ikasleak; Lehen Hezkuntzako 1., 2. eta 3. mailetako ikasleak; Lehen Hezkuntzako 4., 5. eta 6. mailetako ikasleak.
Kategoria bakoitzeko sariak Txankakuaren bonuak dira, herriko dendetan erosi ahal izateko. Hirugarren sarietarako 20 € bonoetan, bigarren sarietarako 40 € bonuetan, eta lehen sarietarako 60 € bonuetan.
Honakoak izan dira sarituak:
| Maren Fernandez | 1. saria. 1. kategoria |
| Libe Jurado | 1. Saria. 2. kategoria |
| Nora Alvarez | 2. Saria. 2. kategoria |
| Jare (LH3, Ikastola) | 3. Saria. 2. kategoria |
| Adan Leon | 1. Saria. 3. kategoria |
| Oihane Meabebasterretxea | 2. saria. 3. kategoria |
Zorionak guztiei!
Aitatasunak’ ikastaroa apirilaren 27an eta maiatzaren 4, 18 eta 25ean
Lehiaketarekin batera, ‘Aitatasunak’ ikastaroa eskainiko da Lilan apirilean eta maiatzean. Mikel Arakistain On: Giz/Ez: Berdin elkarteko kideak zuzenduko du.
Ikastaroaren helburua aita izateak dakartzan onurak ezagutaraztea, sentimenduak adieraztea eta besteak eta eskaintzen dituen aukerak zaintzea izango da. Ikastaroa hiru arlotan zentratuko da nagusiki: aita eta gizona izateko prozesuan bide propioa egitea, parte-hartzaileen artean konfiantzazko harremanak sortzea eta familiarekin eta gizartearekin dituzten erantzukizunez jabetzea. Laburbilduz, tresnak eta baliabideak eskainiko dira seme-alabek bizitzan dituzten premiei arduraz erantzuteko gaitasunak garatu ahal izan ditzaten.
Arratsaldeko 18:00etatik 20:00etara izango da, euskaraz, Lilan. Aitei eta haurren erreferente diren gizonei zuzenduta dago. Izen-emateak esteka honetan egin behar dira: https://labur.eus/lila2023.