infografografien aurkezpena

INFOGRAFIAK    “EUSKARATIK ELEANIZTASUNERA: Etorkizunerako aukera gehiago" Youtube-n

Atzo, irailak 16, Eibarko Udaletxean aurkeztu zituzten Debabarreneko udalek “Euskaratik eleaniztasunera” eta “Desde el euskera al plurilingüismo” infografiak, Estilográfico enpresarekin elkarlanean sortu dituztenak.

Gure herrietako ume guztiek dakite euskara. Izan ere, guraso ugarik hizkuntza gorde edo ikasi dute eta orain seme-alabei transmititzeko ahalegina egiten dute. Beste askok, berriz, jatorriz erdaldunak izan arren, euskara ikasi eta garatzeko aukera eman nahi diete seme-alabei horientzat aberasgarria delako.

jabetze eskola logoa

  • Urritik abendura bitartean izango diren doako bost ikastaro hauen bitartez emakumeen autonomia pertsonala indartu eta euren ahalduntzea sustatu nahi da.
  • Ikastaroetan izena emateko epea urriaren 4ra arte egongo da zabalik eta izen-emateak www.elgoibar.eus helbidean edota Herritarren Arreta Zerbitzuan (HAZ) egin beharko dira.
  • Ikastaroak (PDF)

 

Txupinazo udaletxeko balkoian
Ikusleak frontoian
Hiru neskak "ligoteo sanoren" aldeko kartel batekin Maalako Beldur barik gunean
Gurpil aulkiak erabiltzen dituzten pertsonentzako gordetako lekua
Alkoholaren testa
Bideo maping-a elizan
  • Aipagarria da elgoibartarren parte-hartze handia antolatutako ekintzetan eta gertakari larrien gabezia. Zorionez ez da eraso sexistarik jaso eta orokorrean, normaltasuna izan da nagusi.
  • Denera egitarauan ehun ekitaldi inguru burutu dira eta berritasun ugari izan dira, denek harrera oso ona izan dute herritarren partetik. Nabarmentzekoak dira, beste batzuen artean: mugikortasun murriztua duten pertsonentzat leku berezia gordetzea; egunean bi orduz barraketan musikarik ez egotea, Lekueder parkea buruhandirik gabeko gunea izatea eta sokamuturretan segurtasun neurri gehiago ezartzeko proiektua.
  • Beste urte batez, udalak alkohol eta bestelako drogen erabileraren prebentzio programak jarri ditu abian bere kontsumoaren arriskuez jabetzeko.

Eguerdi honetan bertan Ane Beitia alkateak zenbait udal teknikari eta ordezkariekin batera abuztuaren 22 eta 31 artean ospatutako San Bartolome jaien balorazio ofiziala egin du Elgoibarko Udaletxeko osoko bilkuren aretoan. Elgoibarko Udalak jaien martxa “oso positiboki” baloratu du, zeinetan “harmonia, parte-hartze handia, tolerantzia eta bizikidetza” nagusitu den. Bide batez, Udalak aukera aprobetxatu du aurtengo San Bartolome jaietako antolakuntzan parte hartu duten guztiei eskerrak luzatzeko “pertsona, elkarte, kolektibo, erakunde, langile… oro har, jaiak aurrera eramaten laguntzen duten guzti-guztiei. Jaien atzean pertsona askoren inplikazioa eta ahalegina daude; beraz, eskerrik asko guztioi!”

Aurtengo egitarauan denera adin eta gustu guztiei zuzendutako ehun ekitaldi inguru burutu dira eta nobedade ugari egon dira. Zentzu horretan, aipatzekoa da Udalak martxan jarritako bigarren prozesu parte hartzailean bildutako ekarpenei esker, egitarauan hainbat berrikuntza egin dira herritarren premiei erantzuteko, besteak beste, leku berezia gorde da mugikortasun murriztua duten pertsonentzat; egunean bi orduz, barraketan ez da musikarik izan; eta azkenik, Lekueder parkea buruhandirik gabeko gunea izan da.

guraso ikastaroa 1

  • Elgoibarko Udalak, Udal Euskaltegiaren eta AEKrekin elkarlanean, gurasoentzako euskara ikastaroak jarri ditu martxan, non hizkuntza
    ikasteko aukera ezberdinak eskainiko diren: euskara ikasten hasteko, hobeto edo errazago berba egiteko, edota hobeto idazten eta irakurtzen ikasteko.
  • Izena emateko epea irailaren 26ra arte izango da.
  • Eskuorria (PDF)

Maialen Aranguren, teknikaria, Maialen Gurrutxaga, zinegotzia eta Ane Beitia, alkatea kurtso honetako programa aurkezpenean

  • Ludoteka irailaren 9an zabalduko ditu ateak eta Gaztelekuak irailaren 11n. Aurtengo ikasturterako jarduera-programa zabala eta anitza da prestatu da.
  • Zerbitzuak hobeto ezagutzeko helburuarekin, urriaren 8an, 18:00etan Ludotekan eta urriaren 9an, 19:00etan Gaztelekuan, ate irekien jardunaldiak ospatuko dira.

bertsolarien final zortzirenaren kartela

Irailaren 29an, igandea, Gipuzkoako Bertsolari Txapelketaren final-zortzirenetako saio bat ospatuko da Elgoibarko Herriko Antzokian, 17:00etan. Txapelketa irailaren 14tik abenduaren 14ra bitartean egingo da Gipuzkoako hainbat herritan, 16 saio izango dira eta guztira 48 bertsolarik hartuko dute parte. Finala abenduaren 14an jokatuko da Donostiako Illunben. Bertan, sailkatzea lortzen duten zortzi bertsolariek hartuko dute parte.

Elgoibarko ekitaldia Ane Ezenarro Beristainek aurkeztuko du eta Iñaki Gurrutxaga Zubimendi, Unai Gaztelumendi Arandia, Endika Igarzabal Murua, Jokin Uranga Isuskiza, Ane Labaka Mayoz eta Eñaut Martikorena Lizasok jardungo dute.

Sarrerei dagokionez, www.bertsosarrerak.eus webgunean salgai daude eta 10 € (orokorra), 7 € (bazkideak) eta 5 €-ko (6-16 urteko gazteak) prezioa izango dute. Aurrez sarrera guztiak saldu ez badira, egunean bertan, Herriko Antzokiko leihatilan salgai jarriko dira saldu ez diren horiek.  Leihatila 16:00etan irekiko da.

Informazio gehiago