Kirola eta osasuna hitzaldi zikloaren kartela

  • Ohitura osasuntsuez, elikaduraz, guraso eta entrenatzaileen arduraz kirol heziketan edota gure osasuna eraikitzeko Elgoibarrek eskaintzen dituen aukerez hitz egingo da.
  • Hitzaldiak euskaraz izango dira, maiatzeko lau astearteetan, Kultur Etxean. Saioak arratsaldeko 19:30etan hasiko dira eta sarrera doan izango da.
  • Udal Kirol Patronatuak bizkar hezur arazoak dituzten pertsonentzat zuzendutako “Bizkarraren tailerra” antolatu du. Maiatzaren 3an hasiko da, astelehenetan eta asteazkenetan eskainiko da, 19:00etan, Mintxetan.

Elgoibarko Udalak, Gizarte Ongizate Sailaren bitartez eta Elgoibarko Udal Kirol Patronatuak, Legealdi Planean jasotako lerro estrategiko bati erantzuteko helburuarekin, “Kirola eta Osasuna” izeneko hitzaldi zikloa antolatu dute maiatzean.

Bertan, ohitura osasuntsuez, elikaduraz, guraso eta entrenatzaileen arduraz kirol heziketan edota gure osasuna eraikitzeko Elgoibarrek eskaintzen dituen aukerez hitz egingo dute Unai Arrietak (Kirol Psikologoa eta 60 + programako arduraduna) eta Angel Mª Lopezek (Kirol Fisioterapeuta eta psikoneuroinmunologian espezialista).

Hitzaldiak euskaraz izango dira, maiatzeko lau astearteetan, Kultur Etxean. Saioak arratsaldeko 19:30etan hasiko dira eta sarrera doan izango da.

Hauxe hitzaldien egitaraua:

  • MAIATZAK 9: Gure osasuna eraikitzen.
  • MAIATZAK 16: Iragana gogoratuz, etorkizuna eraiki: elikadura eta ariketa fisiko osasuntsuaren bila.
  • MAIATZAK 23: Guraso eta entrenatzaileen ardura kirol heziketa osasuntsuan.
  • MAIATZAK 30: Elgoibar aktiboa: herria berrinterpretatuz.

Maiatzaren 3an, Bizkarraren Tailerra hasiko da

Osasunarekin jarraituz, Udal Kirol Patronatuak Bizkarraren tailerra antolatu du. Bizkarraren tailerra bizkar hezur arazoak dituzten pertsonentzat zuzenduta dagoen ikastaro bat izango da. Bertan, ariketa espezifikoak egingo dira, bizkarraren mugikortasuna, indarra eta flexibilitatea lantzeko asmoz.

Hernia diskalak, lumbalgiak, lepo eta bizkar hezurreko arazoak dituzten pertsonei zuzenduta dago. Saio guztiak, fisioterapeuta batek gidatuak izango dira. Ikastaro berri hau, maiatzaren 3an hasiko da eta astelehenetan eta asteazkenetan eskainiko da, 19:00etan, Mintxetan.

Aurrez, ikastaroaren nondik norakoak azaltzeko, apirilaren 26an, arratsaldeko 19:00etan, Mintxetan bertan, Patronatuak doako saio bat eskainiko du. Parte hartu nahi dutenek Olaizaga kiroldegian edo Mintxetako harreran eman beharko dute izena.