Kartela

Elgoibarko Udalak eta Txankakua Elgoibarko Merkatarien Elkarteak lankidetza-hitzarmena sinatu dute tokiko komertzioetako salmentak sustatzeko eta Elgoibarko denda txikietan erosketak egiten dituzten bezeroak saritzeko helburuarekin.

Ekimena kontsistorioko kultura sailaren zein antolaketa eta langileria sailaren eta Txankakua merkatarien elkartearen arteko elkarlanari esker jaio da.

Elkarteko komertzioek bi pertsonentzako zine sarrerak zozketatuko dituzte dendan 2017ko apirila, maiatza, urria, azaroa eta abenduan zehar erosten duten bezeroen artean.

Sarrerak era ausazkoan oparituko dira behin erosketa datafonoaren bidez eginda. Saritua izaten bada, “Bi pertsonentzako doako zine sarrera” zehaztuko du datafonoko ticketean. Dendariak zigilua jarriko du atzeko aldean eta bezeroari entregatuko dio.

Sarrera Herriko Antzokiko leihatilan trukatuko da proiekzioaren egunean bertan, iraungitze-data izango du eta inoiz ez da diruagatik trukagarri izango.