VII. Euskal Herriko Emakumezkoen Futbol Kopako finalaren aurkezpena

Atzo, martxoak 30, osteguna, “VII. Euskal Herriko Emakumezkoen Futbol Kopa” aurkeztu zen Donostian eta bertan Elgoibarko Alkatea, Ane Beitia, izan zen txapelketaren finala Elgoibarren jokatuko baita abuztuaren 27an, Mintxeta futbol zelaian.

Txapelketa honetan, Espainiako Lehenengo  Mailan parte hartzen ari diren 3 talde euskaldunekin batera, Real Sociedad, Athletic de Bilbao eta Oiartzunekin batera, hain zuzen ere, beste hiru taldek parte hartuko dute; Aurrera de Vitoria, Mulier (Mutiloa-Nafarroa) eta Genets (Angelu).

Txapelketako final laurdenak apirilaren 8an jokatuko dira Mutiloan, 12:00etan, Mulier eta Oiartzun taldeekin, eta apirilaren 9an, Agurainen, 12:00etan, Aurrera de Vitoria eta Genets taldeekin. Mulier eta Oiartzun taldeen arteko lehian irabazlea suertatzen den taldeak Athletic de Bilbao taldearen aurka jokatuko du finalerdia eta Aurrera de Vitoria eta Genets taldeen arteko partiduko irabazleak Realaren aurka jokatuko du beste finalerdia. Finalerdiak non jokatuko diren oraindik zehaztu gabe dago.

VII. Euskal  Herriko Koparen finala Elgoibarren jokatuko da, abuztuaren 27an, San Bartolome jaietan, C.D. Elgoibarrek mendeurrena ospatzen ari dela aprobetxatuz, Elgoibarko Udalaren laguntzarekin.